AF268: 53r

vezīr olan Ḥasan Paşa edāme llāhu taʿālā iclālehū olub ve bunlardan mā‑ʿadā nehr‑i Ṣāvādan daḫı sefāyin‑i ẓafer‑qarīn ile niçe ṭop qalʿe kūb // olub cümlesi gelüb ordu‑yi hümāyūna gelince dāḫil olunca ve ʿumūmen qapu qulına enʿām çıqup tevzīʿ olınca maḥall‑i mezbūrda daḫı yedi gün // iqāmet īcāb ėdüb bi‑ʿavni llāhi taʿālā cümlesi emīn ü sālim gelüb vāṣıl olub ve gemilerden çıqarılub āhen tekerleklere ve aña göre // ʿarabalara taḥmīl olınub ve ʿaraba ve deve yükinden fażla qalan ṭop yuvalaqları ʿasākire tevzīʿ olınub ve ʿumūmen ʿasākir biriküp mütevekkilen ʿale llāh // ʿale llāh üçünci menzilde [...] biñ beş Muḥarremü l‑ḥarāmīnüñ yigirmi sekizinci güninde Egri qalʿesinüñ üzerine qonılub cānib‑i erbaʿası // ḥātemvār muḫāṣara olınub el‑ḥaqq ismi müsemmāsı olub metānet ve istiḥkāmı bir vechle beyān u ʿıyāna qāyil degüldür her ne cānibden // naẓar ṣalınsa güç [?] yėre ve bir naẓarda düşmen ṣūretin gösterür enderūn u bīrūnında ṭoġrı bir yėri olmayub der ü dīvārı ve [...] // ve üstüvārı qat ender qat egriden egri olub ʿināyet‑i ḫudā‑yī bī‑çūn ile merdān‑i kār‑dīde ve dilāverān‑i // ümūr‑āzmūde her ṭarafına ṭoġru naẓar ṣalub diqqat‑i tāmm ve himmet‑i mā‑lā‑kelām eyledükce yėrlerin rāst eylemek ve qabża‑i tesḫīre getürmek // içün hemān ėrtesi meterisi mühimmātı ve yaraqları görilüb ol gėce bir qoldan vezīr‑i müşīr Ḥasan Paşa Rūm ėli ġāzīleri ile // ve yeñiçeriler aġası yeñiçeri dilāverleriyle ve bir qoldan Cerrāḥ Meḥemmed Paşa Qaramān ʿasākirī ve baʿżı qapu qulıyla ve bir qoldan Caʿfer Paşa // Merʿaş [?] ve baʿżı Rūm ėli ʿasākiriyle meterisler [?] ve ʿaẓīm ṭoplar qurub ėrtesi ʿale s‑seḥer ṣalāt‑i ṣubḥ edā olınub cumhūr‑i ġazāda // dergāh‑i qāḍīyü l‑ḥācāta münācāt ėdüb Rabbanā ftaḥ baynanā wa‑bayna qawminā bi‑ḥaqqi wa‑anta ḫayru l‑fātiḥīna [...] iẕkārın // tekrār ėdüb ṣadā‑yi Allāh Allāh ve gül‑bāng‑i Muḥammedī ile ʿumūmen yeñiçeriler tüfenglerin boşaldub ve ṭoplara āteş vėrilüb // ṣīt ü ṣadāsından niçe zemān kevn ü mekān yanġulanub ve niçeler ser‑āsime olub ʿale l‑ḥuṣūṣ [!] küffār‑i şaqāvet‑şiʿār başlarına // rūz‑i rüstḫīz qopdı ṣanup dem‑beste ve ḫayrān ḫᵛāb‑i ġafletden bīdār u ḥayrān [?] olub ol gün qalʿeden ve meterislerden // ṭop ve şehrī [?] olan büyük varoşuñ [?] sūrından tüfeng cengi olub varoşda olan melāʿīn cünūd‑i muvaḥḥidīnüñ // ṣalābet ve hücūmlarından [...] olub ėrteye dek varoşda qalursaq [?] ṭuʿma‑i şimşīr olmamuz muqarrerdür dėyü taḥqīq // ėdüb ol gėce nıṣfü l‑leylde her kes āh vāh ile ḫānümān u meskenine gendü eliyle āteş‑i ḥasret [?] vėrüb daḫı cān // u başlarıyla aṣl‑i ḥıṣn‑i ḥaṣīn olan qalʿelerine dāḫil olub ėrtesi bi‑ʿināyeti llāhi taʿālā varoşdur fetḥ ü tesḫīr // olınub ʿasākirü l‑islām niʿam‑i firāvān u ẕeḫāyir‑i bī‑pāyān ile muġtenim oldılar qalʿesiyle varoş ḥiṣārı Ġalaṭadan ziyāde // çoq taḥmīl olınub evleri kār‑ger ṭaş sıvalu pencereler ve kemer qapular ve her yėrinde ʿaẓīm zeber zemīnler ve ʿacāyib ü ġarāyib maḫzenler // ve içinde ve eṭrāfında laṭīf baqça ve çardaq aṣmalu bāġlar olub ve ortasından cārī bir nehri ve qūrbında [!] bir iki göz degirmen yüridür // ılıcası olub ol gün Budūn muḥāfaẓasında olan Anaṭolı begler begisi emīrü l‑ümerāyi l‑kirām Meḥemmed Paşa ve Ḥaleb begler begisi // Maḥmūd Paşa ve sābıqan Qaramān begler begisi olan ʿAlī Paşa ve Yanıq begler begisi Maḥmūd Paşa edāme llāhu taʿālā iqbālehüm ve sāyir ümerā‑yi ʿaẓām // dāme ʿizzehüm segbān başı otuz biñ miqdārı merd‑i ṣāḥib‑neberd ile gelüb ordu‑yi hümāyūna dāḫil ve rikāb‑i hümāyūna // yüz sürüb yeñiçeriler odalu odalarına ve sāyir begler begiler ʿasākirleri ile qollu qollarına qonub Anaṭolı begler begisi daḫı